隨筆

想不到我又走回頭路,

又再次步入了灰暗o既光景.

是我自己攞o黎嗎? 我想一半半吧.

一半是我自願放棄o既結果..

另一半是日久積落o既失望.

想起個多月前決定慢慢退出小組與服事,

我說"不想要別人刻意地去關心",

其實我不是說不需要別人o既關心...

我想說的是 "我唔鍾意其他人平時一句問候都無, 而在我出事時先蜂擁而至去"問候""

及後又突然消失, 各有各.

我其實很討厭那份"刻意",

因為我是個做事很隨心的人.

講真,

志威你同我講佢o地好關心我.

我想講我是完全感覺不到.

不論出事前或後....我也感覺不到.

沒有行動的關心, 我想...只是一個想法而已.

(o甘樣講, 我知一定會被人炳, 哈) 

我過去(現在亦然) 那樣賣力去付出,

去為別人多行一里路.

誰為我行那一里路.

坦白地說, 現在對我o黎講...

大部分o既支援都不是從church/小組而來.

都是我幾個朋友在支持我.

所以,

面對著你們興奮o既事,

我真的分享唔到. 

反有點難受.

我常有o既感覺是...

當我不去做, 我就會變成了"拖後蹆"o既人.

我正處於一個關口之間

心裡在籌算著一些決定.

生活及人際關係逼得我已經無氣好透.

當我某天突然決定破除一切底線去迎戰那些在生活中挑戰我o既人.

我係可以做出令人意想不到o既事.

Ray

P.S. 打完那一刻, 外面突然下起雨來.

祢為我哭嗎?

(未完, 待續)

我的天為何總下著雨？
遙望長空，神啊！你在哪兒？
如若這匆匆生命真有豐盛意義，
何以要面對沉痛失意？

我的心像迷失在絕處，
前路無光，神啊！你在哪兒？
難道這一生彷彿只有不幸際遇？
神啊！你別要無言不語

我沒法控制狂風的方向，
也未能知曉那日方可重見艷陽；
但我知主的手總會守在我旁，
前景雖灰暗，信念未搖晃！

我沒法掌管潮水的升降，
也未能阻擋遍地冰霜隨處跌盪；
但我知主恩典足夠克服駭浪，
無力的心可變堅壯。

令人感動的求婚 Nick & Amy (下)

想不到昨日o既上集,

在一日之內已有超過300個view...

Amy 同Nick, 你o地真係勁.

1/11/2009 (日)

"行動日"終於都來了,

想起今晚o既求婚大行動,

我自己也為他們有著一份期待, 一份o既緊張.

下午兩點返到學校,

就一一開始向樣預備工作,

先去看看雪櫃有無位擺生日旦糕..

再走返office 拎Netbook, 介指 同 拎玫瑰花o既單 放入背囊...

(我今日負責護送介指o既重任~)

2點35分左右, 跑去U-circle 拎花...

再飛奔上department 俾Nick 再練下琴.

佢開始緊張了, 緊張到有幾個音階都忘記了.

最後練習

一切都預備好,

我o地就逐一去podium 會合...

開始影畢業相..

由大鐘影到出U-circle.

影到3點九...Freddy 打o黎..

我就藉故走開,

同Freddy & Lala 拎個旦糕 同 香濱入department 個雪櫃放..

再落番去影相...

我o地拖時間..拖到5點幾先上canteen 食tea~

食到5點九, 我同Freddy 就去拎旦糕同酒..

在canteen 為Amy慶祝了生日~~

一切如Nick 所計劃地進行...

食到6點半左右..

我先行去"廁所"...

即飛奔上department 等Nick 同Freddy..

點知Nick 走唔開,

o甘我就同Freddy 搬o野落去lecture 3 setup.

因為彩掛過, 10分鐘內已完成setup..

Nick 也來了, 著起佢著黑色外套~

預備Amy o黎..

我也鼠返canteen 去等指示...

上到去, Amy明顯已知道我o地有古怪..

因為有幾個人唔見o左..

等Nick send SMS 叫佢去lecture 3..

我陪o左Amy落去,

為佢打開門, up o左佢入"會場"

如我o地所估計佢講o左句" 嘩~ 咩事ar... o甘恐怖o甘o既.."

 up o左佢入去"會場", 我就留在門外偷望.

進了門. 四圍都漆黑一片.

就只有講台前亮著一盞小檯燈.

站著了Nick.

Amy一步一步行落樓梯,

在第二排長檯旁停下,

兩個人好似有點對話,

相片PowerPoint slide 開動,

熒光幕閃又閃, 閃出一張又一張相片,

是6週年時Amy給Nick造的powerpoint slide 

背景音樂是Nick 將要彈o既求婚曲.

完了powerpoint,

Nick 走到電子琴前..

坐下, 就開始彈...

我只聽了兩小段...

已有點感動了,

那時, 淚水不自覺湧出來,

只稍為滴下了一滴

心裡覺得能夠隔著玻璃窗去見證..

實在很美好.

走過另一邊門..

與其他人一齊靜稍稍地入去...

Nick 開始有點緊張,

音階明顯彈亂了一點..

但Amy仍是專心地聽...

彈完了,

Nick 手執一束鮮花,

手拿一只鑽介..

走到Amy前面, 跪了下來.

他向她求婚了....

Amy想了半秒,

把介指連盒收起來了,

Nick擺出成功o既樣子.

"幫佢戴介指ar~~" 其他人提Nick..

Nick 就快快o甘為Amy 戴上介指...

事就這樣成了.

我們都歡呼了.

開了一支香濱慶祝.

整個過程其實不長..

也沒有奇異o既煙火激光,

卻來得直接而簡單..

充滿了一份深厚o既情.

我真的由衷地祝福Amy 和 Nick,

一生快樂!!!!!

今晚等車時,

發現天上o既月光特別圓,

一問Kandy, 原來今晚是"十五"..

這個月圓讓今晚整件事情顯得更"完美"

感謝主.

By Ray  

p.s. Nick 你欠我N十個人情ar!!

晚上我們上了Nick & Amy o既新居house warming!

令人感動的求婚 Nick & Amy (上)

今日o既事不得不記在呢個日記之中.

因為今日我見證住兩個好朋友+好知已..

共同走上人生的新一步.

事情要追索返一個月前.

突然有一日呀Nick 打俾我,

同我講佢有個proposal 要向Amy 求婚.

Nick 打算11月1日藉畢業禮影相, 在城大向他求婚.

對樂器一曉不通o既Nick 打算用一個多月o既時間學彈一首歌,

一首Amy 曾經講過好好聽o既歌.

我同Nick講 "掂wo, 你真係好老土wo~"

佢就話 "我就係知你都會做呢d 老土o野先找你....."

佢之後講多o左個point 打動o左我去訓身支持佢o既"行動'..

佢同我講 "因為你係Amy 其中一個o既好朋友, 所以我找你"

無錯, 我敢說她真的是我在大學時一個好重要o既知己

與我並肩作戰, 也很多時為我分擔唔開心o既事.

所以我一口答應了.

心裡想, 我就算拼了命也會去做到底.

Nick o既求婚曲:

(張敬軒"十分愛"彈琴片段)

過去一個月, 我, Nick 同Freddy 開了兩次會..

又向自同Nick 傾o左點砌個run down 等Amy有個surprise 同感動.

我們決定名義上send email 叫大學同學們o黎同Nick 影生日相,

暗地裡同佢o地講係 同Amy 慶祝生日..

實際上係為Nick 鋪設一個機會去求婚.

Nick有一晚特意9點幾返學校"視察場地...

最後, 我o地決定了在城大Lecture 3 進行,

因為呢個lecture room 仍保留當年我o地上堂時坐o既白色"拉拉凳" 同 黑色長檯

一個他們兩個相識相知o既環境.

聽到Nick 近來也頗有壓力,

擔心他能否兼顧o甘多樣o野 (練琴, 求婚, 新屋裝修, 工作等)

我有好幾次問佢要唔要我幫佢處理某d part.

佢話, 佢想自己一手一腳去做.

o甘先有價值.

直到上星期,

Nick 連 Rundown 也出了

我, Nick,  Freddy 同Don 也有了分工,

所以尋晚(31/10) 就給Nick 來一個彩排...

(求婚也要彩排, 佢真的好有誠意呢, Amy)

第一次聽Nick 彈o個首歌.

彈得好順, 好好, 也很有情感.

我心裡覺得Amy真的選對了...

選了一個好男人, 好歸宿...

當晚彩排完, 回到家, 已是十二點.

對著今晚為Nick 拍o既十餘張相 同 五段片..

突然想為佢o地兩個做一丁點事情.

我左整右整, 弄了一條短片....

好讓他們可以留為紀念.

就這樣, 剪片剪到四點幾先訓.

雖然明天要早起身,

不過仍覺得很值得為他們癲一次

(下集待續...)

"神一路同在"

"神一路同在"

這是我今天坐巴士時突然浮出來的意念.

問題仍未解決, 心情仍未回復.

神卻在今天突然為我開了兩扇新o既門.

第一扇門.

近幾個月在思考一個問題,

正在想要找誰去問.

想不到, 神已為我預備了一個人.

在她不知情之下, 主動地開口說要幫我.

It's amazing. 神有祂的時間.

另一扇門.

十幾廿年來積壓在心o既說話,

今晚終於有機會一次過對呀媽講晒出o黎.

我將一切多年來感到o既不公平, 委屈, 和 看法都一一說出口..

感覺真係極痛快...

我終於等到這個期待多年o既critical point...

相信這扇門開了, 就將會有翻天覆地o既改變.

也將是神給我和我一家o既應許實現o既開始.

問題依舊仍未解決, 心情依舊仍未回復.

不過.....

"神仍是一路同在"

我深信, 如果好事一次兩次地降臨在我身上..

你可以說我是個幸運o既人.

但如果好事與轉機, 多年來都一次又一次地降臨在我身上.

我可以肯定地說, 這個神係堅o既..

因為祂從未有忘記我.一路與我同行.

Let me give up..

星期一至五      一個世界

星期六日     另一個世界

預計中的恐怖事, 一件又一件地發生..

甚至超出我o既想像範圍

我都話, 咩都唔好講就最好..

一講出口就出事, 太坦白表達自己o既想法.

還是觸了礁...

連一路以來覺得可對他直言o既弟兄

都跟我說對我有點失望...

看來預計的safety net 已經失效了.

昨晚的對話, 令我有種"破產"的感覺.

那份無力與無助...

讓人再進一步地向下沉.

只怪自己常常令人錯覺我會萬事都攪得掂,

令人覺得我不需要特別地去關心

只怪自己常常自告奮勇 去燃燒自己,

幫了別人, 幫不了自己.

只怪自己因為怕別人唔開心而收起了想說得話,

以致心裡o既不滿從未被注意.

只怪我對責任及信仰太認真,

令人以為我係萬能俠..

常將我放在充滿問題o既環境

讓我去處理問題

只怪我不懂得學習作一個"消費者"

消費完畢, 拍拍屁股就走人.

只怪我太多事,

咩都覽上身.

只怪我只去表現正面o既我,

而從未讓人了解我心裡o既想法.

只怪我不幸, 只怪我唔好彩.

多年來爭扎地去成長..

結果是更多o既爭扎.

我已不太想講任何o既o野...

我在慢慢等待自己完全地腐化.

星期一至五      一個世界

星期六日     另一個世界    一個愈來愈抽離的世界.