精彩的Weekend (2)

15.11.2009 (日)

尋晚o既義工做到晚上9點先完,

之後我無直接返屋企,

返而去o左嘉鋒屋企過夜..

因為今日又係另一個full day 義工~~

做o既係 Ivan (嘉鋒個呀哥) o既婚禮兄弟..

第一次做兄弟覺得都幾新鮮..

不過今早要5點就起身換衫就真係好"頂癮"

因為6點鐘要出車去接新娘,

除了伴郎嘉鋒..

今日做兄弟o既有我, 仔麵, Franco, Humphery (Franco o既細佬) 仲有Raymond.

今日新郎哥太興奮,

訓過龍o左少少...不過去到新娘樓下仍有充足o既時間.

因為新娘子Mandy未化完個妝...

我o地兄弟團在樓下對著攝影師講o左幾句, 也影o左d 扮型o既片,

就衝上去搶親...

(其實係送上門俾d 姊妹玩..)

因為吉時近, 所以都係快玩o左三個恐怖game...

第一個game 係兄弟團被d 姊妹揸 唇膏, 叫我o地嘴d 唇印嘴滿張心形紙皮...

easy hea 過~~

第二個令人嘔心o既game..

就係佢o地叫我o地每人除一隻襪, 夾在一串紫菜上..

叫我o地淨用口咬一片紫菜..

我咬o個時, 變態o既姊妹固意將d 臭襪thing上我o地塊面度..

嘔...........

最後一個game, 係Ivan 玩..

講下d "愛的宣言" ..太easy~~~

之後搶親成功..

就返番男家....

細小o既房o既外面同裡面都好多人...

有男家一堆親戚, 有姊妹, 有兄弟...有好多好多人..

攪完一輪, 就飛去沙田行禮註冊,

我發現兄弟除了是苦力同跑腿,

同時仲係姊妹們o既搬運工人..

佢o地o既袋真係鬼死o甘重!!!

我終於明白, 點解搵兄弟要搵好朋友...

因為呢份打離一樣o既工...看來只有好朋友先會o甘賣力去做.

隨時都要衝呀衝....

所以我建議"開門利是"要分一大半俾兄弟~

今天 仔麵 成了我, Franco 仲有Humphery o既攻擊目擊,

我o地成日話d 姊妹偷望佢..對佢有意思...

叫佢快d 幫d姊妹拎袋..

仔麵絕地反擊, 想將個波卸俾我...

我o地四個無聊人就o甘玩o左成日~

(因為我o地有好多時間都係hea 同等~~ 所以無聊)

我覺得自己今日都幾稱職~~

新娘子親自下了order 叫我keep time.

我真係有做ka~~

仲做好我o既聯絡工作, 準時call 好車做接送..

2點食了午餐..

兄弟姊妹團就一齊去o左觀塘間酒樓 等setup..

我o地呢個由四個兄弟臨時組成o既"勁hea 小隊"

無聊無o野做, 就由Franco 教我o地玩 鬥地主..

第一次學, 覺得有點複雜, 不過又幾好玩

"炸!!!!"

三點幾..

酒樓交場俾我o地...

我o地就開工做setup..

之後有時住下reception,

有時就叫d 酒樓侍應去做唔同o既o野...

有時就hea 下, 做番我o地o既勁hea小隊...

我發現d 侍應有點唔夠爽手..

叫佢o地做o既o野, 成日都要等好耐先做到..

所以我就負責係o甘"鵝"佢o地...

我幫手幫到大概七點半..

我就走人... 因為今晚撞正我個堂哥同一日結婚擺酒..

我知我一定要返去飲...

呢個就係大家族.

走o個時外面落緊雨,

飛的去到油麻地,

好在無塞車~~

8點幾去到, 一入到酒樓,

幾個企o係reception o既呀叔同姑姐 一見我..

就問我今日係未做完"戥穿石"過o黎..

仲讚我去做"戥穿石", 都返o黎堂哥個飲宴~

我查過yahoo!知識,

"戥穿石"的源由..

「戥穿石」其實是由「戥豬石」訛化而來的，只是經過長年累月，人們都把「豬」音讀成「穿」音，成為了今日的「戥穿石」。

「戥」，有平衡、均勻之意；而「戥豬石」，則是一塊被賣豬小販，用以平衡擔挑重量的石頭，所以通常在豬被賣掉後，那「戥豬石」都會隨之被捨棄不理的，這點與伴郎的作用有點相似。所以，今天的人把「戥穿石」組成歇後語，意思指「陪襯的」。

如我所料,

大家庭還是挺睇重大時大節,

大家人要齊齊整整~~

今晚婚禮除了同兩個堂細佬玩下,

同d 呀叔堂兄弟姊妹傾下計外...

都係有點無聊.

酒樓內柱子太多, 睇唔到個台,

好多時都唔知上面發生緊咩事..

不過我想堂哥同呀嫂開心就夠了!

原來今晚係可以請男女朋友o黎o既~

早知就叫埋文迪o黎la~~

飲宴新尾聲時,

被堂家姐捉住幫手放客,

可能飲o左兩小杯紅酒, 有點hyper.....

好投入o甘同人客握手講再見~

企o係隔離o既堂妹堂姐o係度勁笑,

可能佢o地太少見我o甘professional o既一面,

其實我真係好professional, 好social ka~~

最後影o左張許氏o既全家福..

Happy 散水~

Ray

p.s. 今晚夜d 先post d 相

精彩的Weekend (1)

過去o既星期六日我"離家出走"

參予兩件大事~~

星期六(14/11)去o左做full day 義工, 去幫東華三院攪o既中學生理財day camp..

而星期日(15/11)就去o左做Ivan (嘉鋒o既呀哥) 婚禮o既兄弟~~~

兩個都係第一次做, 係個新嘗試~

"Teen 財達人"day camp,

o係由東華三院健康理財家庭輔導中心攪o既

有一班來自十幾間中學o既學生o係突破青年村玩一個The sims 一樣o既game.

要搵工, 做o野, 進修, 買o野, 投資...為了達到所定o既人生目標.

----------------------------------------------------------

13.11.2009(F)

其實我同嘉鋒早一晚(星期五晚)10點幾已經入o左camp..

今次因為我o既身份係做進修中心o既補習天王,

負責人Roger 同呀珊 特地向我同另一個partner, 補習天后Candy brief 了一下工作內容,

覺得今次o既角色挑戰都幾高,

因為要o係10分鐘內教完個workshop, 之後就即時要做10分鐘accessment.

真係mission impossible...

簡短o既內容, 學生真係可以學到d o野走ma?

最困難o既係...每個workshop都要fail 一d 人..

呢個可以點做到....

o個晚諗o左好耐都唔知點..

不過都係去o左同嘉鋒 仲有佢教會兩三個弟兄姊妹一齊玩完個monopoly deal 先算..

(終於認識到傳說中o既呀雄....)

今晚都幾開心, 因為我終於可以o係"突破"過一晚夜...

呢個camp site 風景唔錯, 感覺幾好.

------------------------------------------------------

14.11.09(Sat)

今日一早六點三就起身...

七點幾去了食早餐, 八點鐘就morning briefing 成日o既rundown.

我o地差唔多用晒成個camp site o既room..

因為我o地成個"City"分o左 工作城, 購物中心, 銀行, 進修中心 四大part..

呢個game 玩足成日..

有好多義工去take part 唔同o既角色,

有負責做公司老闆, 有做家長, 有觀察員..

而我今次, 就係做進修中心o既補習天王, 許sir..

教學生"面試技巧" 同 "客戶服務" 兩個workshop..

全日不斷站地完成六個 half-hour workshop

除了校長呀珊(東華負責人) 睇住我同Candy,

仲有兩個高中同IVE 學生, Leo 同呀池 幫我o地手..

o係我o地教workshop 前前後後做好多admin o既工作.

d o黎參予o既中學生, 早上九點幾就o黎到,

先聽o左個簡介, 之後即刻要做個test 去分唔同o既資歷,

分別有大學畢業, 大專畢業, 同 中學畢業...

佢o地根據資歷可以去找特定o既工..

低至餐廳樓面 同 倉務, 高至會計師 同 教師等..

至於我o地進修中心,

就係俾學生進修"升呢"o既地方...

也俾學生真係學一d 基本o既知識..

包括"面試技巧", "銷售技巧" 同 "客戶服務" 三方面.

今日觀察到學生由早上o既漫不經心..

變成下午明白要自己賺錢俾學費上堂o既辛苦...

佢o地博老命地在考核中表現自己以免被fail..

感到都幾特別... 覺得佢o地真係學到o野.

最深刻係之後debriefing 聽到有幾個中學生講..

因為自己一開始資歷低, 找唔到好工, 唔開心..

叫"家人" (groupmate) 供佢讀書..

所以當佢o地pass o左o個一刻, 佢o地都好開工.

我好記得o個個女仔o係pass o左o個一刻就大叫..

"我呀媽(義工組長)俾o左四千蚊我讀書, 我終於pass o左!!"

我想同學開始有點明白讀書也是一種重要o既投資.

至於全日最精彩o既時候應該係食lunch之時,

因為26個家庭o既午餐係由佢o地o既資產 同 理想o既達成去計分決定..

有d 組食得好豪, 有五送一湯有甜品, 有d 只可以o係餐廳外食飯盒,

最慘o既組就只有幾片白麵包食..

我想呢個對佢o地一定好有impact...

一日o既義工服事,

雖然有點累, 也被困在一個room 裡成日..

不過我想今日做o既都挺有意義~

希望一班學生可以學以致用吧.

增值中心團隊 (呀池, Candy, 我, Leo, 珊)

下年三月又有一次,

有無人想一齊去玩下, 參與下?

Ray

有興趣o既可以睇下呢個2008介紹:

隨筆

想不到我又走回頭路,

又再次步入了灰暗o既光景.

是我自己攞o黎嗎? 我想一半半吧.

一半是我自願放棄o既結果..

另一半是日久積落o既失望.

想起個多月前決定慢慢退出小組與服事,

我說"不想要別人刻意地去關心",

其實我不是說不需要別人o既關心...

我想說的是 "我唔鍾意其他人平時一句問候都無, 而在我出事時先蜂擁而至去"問候""

及後又突然消失, 各有各.

我其實很討厭那份"刻意",

因為我是個做事很隨心的人.

講真,

志威你同我講佢o地好關心我.

我想講我是完全感覺不到.

不論出事前或後....我也感覺不到.

沒有行動的關心, 我想...只是一個想法而已.

(o甘樣講, 我知一定會被人炳, 哈) 

我過去(現在亦然) 那樣賣力去付出,

去為別人多行一里路.

誰為我行那一里路.

坦白地說, 現在對我o黎講...

大部分o既支援都不是從church/小組而來.

都是我幾個朋友在支持我.

所以,

面對著你們興奮o既事,

我真的分享唔到. 

反有點難受.

我常有o既感覺是...

當我不去做, 我就會變成了"拖後蹆"o既人.

我正處於一個關口之間

心裡在籌算著一些決定.

生活及人際關係逼得我已經無氣好透.

當我某天突然決定破除一切底線去迎戰那些在生活中挑戰我o既人.

我係可以做出令人意想不到o既事.

Ray

P.S. 打完那一刻, 外面突然下起雨來.

祢為我哭嗎?

(未完, 待續)

我的天為何總下著雨？
遙望長空，神啊！你在哪兒？
如若這匆匆生命真有豐盛意義，
何以要面對沉痛失意？

我的心像迷失在絕處，
前路無光，神啊！你在哪兒？
難道這一生彷彿只有不幸際遇？
神啊！你別要無言不語

我沒法控制狂風的方向，
也未能知曉那日方可重見艷陽；
但我知主的手總會守在我旁，
前景雖灰暗，信念未搖晃！

我沒法掌管潮水的升降，
也未能阻擋遍地冰霜隨處跌盪；
但我知主恩典足夠克服駭浪，
無力的心可變堅壯。

令人感動的求婚 Nick & Amy (下)

想不到昨日o既上集,

在一日之內已有超過300個view...

Amy 同Nick, 你o地真係勁.

1/11/2009 (日)

"行動日"終於都來了,

想起今晚o既求婚大行動,

我自己也為他們有著一份期待, 一份o既緊張.

下午兩點返到學校,

就一一開始向樣預備工作,

先去看看雪櫃有無位擺生日旦糕..

再走返office 拎Netbook, 介指 同 拎玫瑰花o既單 放入背囊...

(我今日負責護送介指o既重任~)

2點35分左右, 跑去U-circle 拎花...

再飛奔上department 俾Nick 再練下琴.

佢開始緊張了, 緊張到有幾個音階都忘記了.

最後練習

一切都預備好,

我o地就逐一去podium 會合...

開始影畢業相..

由大鐘影到出U-circle.

影到3點九...Freddy 打o黎..

我就藉故走開,

同Freddy & Lala 拎個旦糕 同 香濱入department 個雪櫃放..

再落番去影相...

我o地拖時間..拖到5點幾先上canteen 食tea~

食到5點九, 我同Freddy 就去拎旦糕同酒..

在canteen 為Amy慶祝了生日~~

一切如Nick 所計劃地進行...

食到6點半左右..

我先行去"廁所"...

即飛奔上department 等Nick 同Freddy..

點知Nick 走唔開,

o甘我就同Freddy 搬o野落去lecture 3 setup.

因為彩掛過, 10分鐘內已完成setup..

Nick 也來了, 著起佢著黑色外套~

預備Amy o黎..

我也鼠返canteen 去等指示...

上到去, Amy明顯已知道我o地有古怪..

因為有幾個人唔見o左..

等Nick send SMS 叫佢去lecture 3..

我陪o左Amy落去,

為佢打開門, up o左佢入"會場"

如我o地所估計佢講o左句" 嘩~ 咩事ar... o甘恐怖o甘o既.."

 up o左佢入去"會場", 我就留在門外偷望.

進了門. 四圍都漆黑一片.

就只有講台前亮著一盞小檯燈.

站著了Nick.

Amy一步一步行落樓梯,

在第二排長檯旁停下,

兩個人好似有點對話,

相片PowerPoint slide 開動,

熒光幕閃又閃, 閃出一張又一張相片,

是6週年時Amy給Nick造的powerpoint slide 

背景音樂是Nick 將要彈o既求婚曲.

完了powerpoint,

Nick 走到電子琴前..

坐下, 就開始彈...

我只聽了兩小段...

已有點感動了,

那時, 淚水不自覺湧出來,

只稍為滴下了一滴

心裡覺得能夠隔著玻璃窗去見證..

實在很美好.

走過另一邊門..

與其他人一齊靜稍稍地入去...

Nick 開始有點緊張,

音階明顯彈亂了一點..

但Amy仍是專心地聽...

彈完了,

Nick 手執一束鮮花,

手拿一只鑽介..

走到Amy前面, 跪了下來.

他向她求婚了....

Amy想了半秒,

把介指連盒收起來了,

Nick擺出成功o既樣子.

"幫佢戴介指ar~~" 其他人提Nick..

Nick 就快快o甘為Amy 戴上介指...

事就這樣成了.

我們都歡呼了.

開了一支香濱慶祝.

整個過程其實不長..

也沒有奇異o既煙火激光,

卻來得直接而簡單..

充滿了一份深厚o既情.

我真的由衷地祝福Amy 和 Nick,

一生快樂!!!!!

今晚等車時,

發現天上o既月光特別圓,

一問Kandy, 原來今晚是"十五"..

這個月圓讓今晚整件事情顯得更"完美"

感謝主.

By Ray  

p.s. Nick 你欠我N十個人情ar!!

晚上我們上了Nick & Amy o既新居house warming!

令人感動的求婚 Nick & Amy (上)

今日o既事不得不記在呢個日記之中.

因為今日我見證住兩個好朋友+好知已..

共同走上人生的新一步.

事情要追索返一個月前.

突然有一日呀Nick 打俾我,

同我講佢有個proposal 要向Amy 求婚.

Nick 打算11月1日藉畢業禮影相, 在城大向他求婚.

對樂器一曉不通o既Nick 打算用一個多月o既時間學彈一首歌,

一首Amy 曾經講過好好聽o既歌.

我同Nick講 "掂wo, 你真係好老土wo~"

佢就話 "我就係知你都會做呢d 老土o野先找你....."

佢之後講多o左個point 打動o左我去訓身支持佢o既"行動'..

佢同我講 "因為你係Amy 其中一個o既好朋友, 所以我找你"

無錯, 我敢說她真的是我在大學時一個好重要o既知己

與我並肩作戰, 也很多時為我分擔唔開心o既事.

所以我一口答應了.

心裡想, 我就算拼了命也會去做到底.

Nick o既求婚曲:

(張敬軒"十分愛"彈琴片段)

過去一個月, 我, Nick 同Freddy 開了兩次會..

又向自同Nick 傾o左點砌個run down 等Amy有個surprise 同感動.

我們決定名義上send email 叫大學同學們o黎同Nick 影生日相,

暗地裡同佢o地講係 同Amy 慶祝生日..

實際上係為Nick 鋪設一個機會去求婚.

Nick有一晚特意9點幾返學校"視察場地...

最後, 我o地決定了在城大Lecture 3 進行,

因為呢個lecture room 仍保留當年我o地上堂時坐o既白色"拉拉凳" 同 黑色長檯

一個他們兩個相識相知o既環境.

聽到Nick 近來也頗有壓力,

擔心他能否兼顧o甘多樣o野 (練琴, 求婚, 新屋裝修, 工作等)

我有好幾次問佢要唔要我幫佢處理某d part.

佢話, 佢想自己一手一腳去做.

o甘先有價值.

直到上星期,

Nick 連 Rundown 也出了

我, Nick,  Freddy 同Don 也有了分工,

所以尋晚(31/10) 就給Nick 來一個彩排...

(求婚也要彩排, 佢真的好有誠意呢, Amy)

第一次聽Nick 彈o個首歌.

彈得好順, 好好, 也很有情感.

我心裡覺得Amy真的選對了...

選了一個好男人, 好歸宿...

當晚彩排完, 回到家, 已是十二點.

對著今晚為Nick 拍o既十餘張相 同 五段片..

突然想為佢o地兩個做一丁點事情.

我左整右整, 弄了一條短片....

好讓他們可以留為紀念.

就這樣, 剪片剪到四點幾先訓.

雖然明天要早起身,

不過仍覺得很值得為他們癲一次

(下集待續...)